Natasha Roshel’s Fashions Exclusive from Starfiends.lk
නටාෂා රොෂෙල් (Natasha Roshel) වර්තමනයේ සිටින ජනප්‍රිය නිරූපිකාවක්. නිරූපිකාවක් වුණාම ෆැෂන් (Fashion) ගැන ගොඩාක් සැලකිලිමත් වෙනවා. ඒ වගේම සිරුරේ හැඩය, රූපය වගේ දේවල් නිරූපිකාවකට නොසළකා හරින්න බැහැ. ඉතින් ජනප්‍රිය නිරූපිකාවක් වන නටාෂා රොෂෙල්ගේ විලාසිතා රහස් කිහිපයක් ගැන අපි ඔයාලට කියන්න හිතුවා.
ෆැෂන් කියන්නේ කාලෙන් කාලෙට වෙනස් වන ගැහැනු පිරිමි බේදයකින් තොරව කරන දෙයක්. නටාෂාත් ෆැෂන් කරන්න ආසයි. ඒත් නටාෂා සමහර නිරූපිකාවන් වගේ ෆැෂන් කරද්දී කිසිම කෙනෙක් අනුකරණය කරන්නේ නැහැ. ඇය තමන් කැමති සහ ගැලපෙන ඕනම විලාසිතාවක් කරනවා.
සාමාන්‍යයෙන් නටාෂා හුඟක්ම කැමති එයාගේ කොන්ඩයට එක එක විලාසිතා කරන්න. දැන් නම් නටාෂා එයාගේ කොන්ඩය දුඹුරු පැහැ කරගෙන ඉන්නේ. ඒත් එයා ආසම බ්ලොන්ඩ් කලර් (Blonde color) එකට.
ඔරලෝසු සහ ජුවලරි වැඩිපුර පාවිච්චි කරන්න නටාෂා කැමති නැහැ. ඔරලෝසු බඳින්නේ නම් නැත්තේ අමතක වෙන නිසාලු. ඒත් ෆන්ෂන් එකකදී හැර සාමාන්‍ය අවස්ථාවකදී ජුවලරි දාන්න නම් නටාෂා ඒ තරම් කැමති නැහැ.
නටාෂා සාමාන්‍ය ගමනකදී අඳින්න කැමතිම පෑන්ට් එකක් සහ ටොප් එකක්. වෙඩින් එකකට වගේ නම් ඇය හුඟක්ම අඳින්න කැමති සාරිය. සාමාන්‍ය සරල සෙරෙප්පු දෙකක් තමයි නටාෂා නිතර පාවිච්චි කරන්න කැමැති.
නටාෂා ෂොපින් කරන්නේ ඉන්ටර්නෙට් එකෙන්. එතකොට විදෙස් රටවල දේවල් වුණත් ෂොපින් කරන්න පුළුවන්නේ.
ෆැෂන් කරන්න ශරීර වර්ණය බලපාන්නේ නැහැ කියලායි නටාෂා කියන්නේ. තමන්ගේ ශරීර වර්ණයට අනුව ෆැෂන් කළ යුතු බව ඇය පෙන්වා දෙනවා. ඒ වගේම ශරීරයේ හැඩය පවත්වා ගැනීමට කෑම පාලනය කිරීම වැදගත් කියලා නටාෂා විශ්වාස කරනවා. ජිම් යන එක අත්‍යවශ්‍ය නොවුණත් ජිම් යෑමත් වැදගත් බව ඇය කියනවා.
නටාෂා තමන්ගේ නිරූපිකා වෘත්තිය පවත්වාගෙන යන්නේ මේ වගේ සරල ෆැෂන් ටයිප්ස් එක්ක. නිරූපිකාවක් කියලා ජීවිතය සංකීර්ණ කරගන්න ඇය සූදානම් නැති බව ඇයගේ ෆැෂන් ටයිප්ස් දැක්කාම අපිට හිතෙනවා.
Natasha Roshel’s Fashions Exclusive from Starfiends.lk
