2018 ලෝක රූ රැජිණ කිරුළ මෙක්සිකෝවේ වැනෙස්සා පොන්ස්ට.Exclusive Photos & Video

Miss World 2018 – Vanessa ponce de león Exclusive from Starfiends.lk

ලොව පුරා රටවල් 118 සුරූපී තරඟකාරිනියන් පරදවා මෙවර ලෝක රූ රැජිණ කිරුළ දිනා ගැනීමට මෙක්සිකානු ( Mexican) ජාතික වැනෙස්සා පොන්ස් ඩි ලියෝන් (Vanessa ponce de león) සමත්වුණා. ඒ 68 වැනි ලෝක රූ රැජිණ ලෙස. චීනයේ සාන්යා නුවරදී තමයි මෙවර ලෝක රූ රැජින තරඟය පැවැත්වුණේ.

වැනේසා පෝන්ස් ඩි ලියෝන් (Vanessa ponce de león) උපත ලබන්නේ 1992 මාර්තු 7 වැනිදා. ඇය ලෝක රූ රැජිණ ලෙස කිරුළු පැළදී පළමුවැනි මෙක්සිකානු ( Mexican) ජාතික කාන්තාව ද වෙනවා. ඇගේ උස සෙන්ටි මීටර් 174ක්. වැනෙස්සා පොන්ස් ඩි ලියෝන්  (Vanessa ponce de león) මේ වන විට ජාත්‍යන්තර ව්‍යාපාර පිළිබද උපාධිධාරිනියක්. ඒ වගේම ඇය සමාජ ක්‍රියාකාරිණියක ලෙස ද කටයුතු කරනවා. ඇය ගෝත්‍රික ජනතාව සඳහා අන්තර් සංස්කෘතික අධ්‍යාපනය ලබා දීමට කටයුතු කරන කාන්තාවක් ලෙස ප්‍රසිද්ධයි. වැනේසා පෝන්ස් ඩි ලියෝන්  (Vanessa ponce de león) මේ වන විට මෙක්සිකානු ගැහැනු ළමයින් සඳහා පුනරුත්ථාපන මධ්‍යස්ථානයක අධ්‍යක්ෂ මණ්ඩලයේ සාමාජිකාවක් ලෙසද කටයුතු කරනවා.

මෙවර ලෝක රූ රැජිණ වූ වැනිසිය පෝනෙස් ඩී ලියොන්  (Vanessa ponce de león) අවසන් වටයට ඔසවනු ලැබූ ප්‍රශ්නයට ඇය ලබාදුන් විස්මිත පිළිතුර සමඟ ඔටුන්න දිනා ගැනීමට සමත් වුණා.

“අන් අයට උපකාර කිරීම සඳහා ඔබ කටයුතු කරන්නේ කොහොමද?” කියලා විනිසුරු මණ්ඩලය අවසාන වශයෙන් ඇයගෙන් විමසුවා. ඊට ඇය ලබාදුන් පිළිතුර මෙවැන්නක්. “පසුගිය වසර තුන තිස්සේ මා කරමින් සිටි ආකාරයටම මම මගේ සේවය මෙහෙයවනවා. නිදසුනක් විදිහට අපි සියලු දෙනාටම යහපත් වූ ආදර්ශයක් වෙන්න පුළුවන්. අපි සියල්ලන්ටම රැකබලා ගැනීම, ආදරය කිරීම අවශ්‍යයි, අප සියලු දෙනාටම කාරුණික වෙන්න පුළුවන්, එය කිසිවිටකත් අමාරු දෙයක් නොවෙයි, ඔබට ලෝකය දෙස විවෘතව බලන්න පුළුවන් නම් ඔබට කළ හැකි දේ අවශ්‍ය වන කෙනෙකු සැමවිටම සිටිනවා.. එබැවින්, ඔබට හැකි පමණින් කෙනෙකුට උදව් කරන්න..” ඇය හෘදයාංගමව ලබා දුන් පිළිතුරට ප්‍රේක්ෂකයන්ගේ විශාල ප්‍රශංසාවක් ලැබී තිබුණා.

ලෝක රූ රැජිණ තරඟය සදහා මෙවර රටවල් 118ක් එක්ව සිටියා, තරඟයේ දෙවැනි ස්ථානය දිනා ගත්තේ තායිලන්ත (Thailand) සුරූපිනිය. 68 වැනි ලෝක රූ රැජින සඳහා කිරුළ පැළදුවේ පසුගිය වසරේ ලෝක රූ රැජිණ ලෙස තේරී පත් වූ ඉන්දියාවේ මනූෂි චිල්ලාර් (Manushi Chhillar) විසින්.

Miss World 2018 – Vanessa ponce de león Exclusive from Starfiends.lk