Harshana Bethmage Life Exclusive from Starfiends.lk
හර්ෂන බෙත්මගේ (Harshana Bethmage) රංඟනයට අමතරව මේ දවස්වල ව්‍යාපාර පැත්තටත් අතගහලා තියෙනවා. කොහොමත් හර්ෂණට ව්‍යාපාර සිහිනයක් තිබිලා තියෙනවා. ඒ අනුව හර්ෂණ කොස්මැටික්ස් (Cosmetics) ව්‍යාපාරයක් පටන් ගන්නවා.
ටෙලි නාට්‍ය කර්මාන්තය සම්බන්ධයෙන් නම් හර්ෂණ කලකිරීමෙන් ඉන්නේ. ඒකට හේතුව රංඟන ශිල්පියාගේ වටිනාකම අවතක්සේරු කිරීම.
ටෙලි ෆීල්ඩ් එකේ ගොඩක් වෙලාවට නළුවාගේ වටිනාකම තීරණය කරන්නේ නිෂ්පාදකවරයාලු. අධ්‍යක්ෂවරු ගත්තත්, එයාලා නළුවෝ හොයන්නේ චරිතවලට නෙමෙයි, ඔවුන්ගේ දින වලටලු. මේ නිසා රංඟන ශිල්පියාට හිමිවිය යුතු වටිනාකම නොලැබී යනවා.
මේ විදියට රංඟන ශිල්පියාව තුට්ටු දෙකට දාන නිර්මාණවලට හර්ෂණ කිසිසේත්ම සහභාගී වන්නේ නැහැ. මේ විදියට බාල වැඩ කරන නිෂ්පාදකවරු කිහිපදෙනෙක් ෆීල්ඩ් එකේ ඉන්නවා කියලත් හර්ෂණ කියනවා.
” මට හෙට වැඩ නැතිවුණත් මම කියන්න බය නැහැ. මම කතා කරන්නේ ස්වාධීනව”
හර්ෂණ මේ දේවල් කියන්නේ ඒතරම් කලකිරීමෙන්. කොහොම වුණත් හර්ෂණ රංඟනයට සමුදෙන්න නම් බලාපොරොත්තු වෙන්නේ නැහැ.
හර්ෂණ තමන්ගේ ජීවිතයේ වැරදුණ තැන් ගැනත් කෙලින් කතා කරන කෙනෙක්. ඒ විදියට තමන් ගත්ත වැරදි තීරණයක් සම්බන්ධයෙන් ඔහු පසු තැවෙන්නේ නැහැ. තමන්ගේ ජීවිතයේ සියලු තීරණ ගත්තේ තමන්ම නිසා ඒවාට මුහුණ දෙන්නෙත් තමන්මයි. මේ අවබෝධයෙන් හර්ෂණ ජීවිතයට මුහුණ දෙනවාලු. ඔහුගේ ජීවිතයේ අසීරුම අවස්ථා වලදී ඔහු ළඟින් ඉඳලා තියෙන්නේ ආදරණීය දෙමාපියන් විතරයි. ඉතින් හර්ෂණ වැරදිච්ච තැන් පන්නරයක් කරගෙන ජීවිතයට හොඳින් මුහුණ දෙනවා.
මේ දවස්වල හර්ෂණ ඉඩෝර වැස්ස ටෙලිනාට්‍යයේ වෙනස් රංඟනයක නිරත වෙනවා.
Harshana Bethmage Life Exclusive from Starfiends.lk
