සෙනාලි ෆොන්සේකාව සිනමාවට රැගෙන එන්නේ සෝමරත්න දිසානායක සහ රේණුකා බාලසූරිය යන දෙදෙනා විසින් කියලා හුඟ දෙනෙක් දන්නවානේ.
සිනමාවට සමීප පවුලකින් පැවැත ආවත් සෙනාලිට ඒ වරම උදාවන්නේ අහම්බයෙන්. කෙසේ වුවත් සිරි පැරකුම් චිත්‍රපටයෙන් පස්සේ සෙනාලිට හොඳ කලක් උදා වුණා. ඇය දැන් ජනප්‍රිය නිළියක්. ටෙලිනාට්‍ය කලාවටත් ඇගේ සම්ප්‍රාප්තිය සිදු වුණා. ඒ අනුව ඇය මතක හිටින චරිත නිරූපණය කළා.
හැබැයි සෙනාලි සෑහෙන තෝරා බේරා ගැනීමක් එක්ක තමයි මේ ගමන යන්නේ. විශේෂයෙන්ම සිනමා නිර්මාණයක් භාර ගනිද්දී නම් සෑහෙන හිතලා බලනවාලු.
ඒ ඇයි දන්නවද? සෝමරත්න දිසානායක මහත්මයාට සහ රේණුකා බාලසූරිය මහත්මියට “අයියෝ…. අපි සිනමාවට හඳුන්වා දුන්න කෙල්ල මොනවද මේ රඟපාන චිත්‍රපට” කියලා හිතෙන්නේ නැති වෙන්න ඕනේ නිසාලුනේ. ඒ කියන්නේ සෙනාලි හොඳ නිර්මාණ තෝර බේර ගන්නේ ඒ දෙන්නගේ ජාමේ බේරන්නත් එක්ක.
ඉතින් සෙනාලි, මේ දිනවල සුනිල් ආරියරත්නයන්ගේ විජයබාකොල්ලය චිත්‍රපටයේ ප්‍රධාන චරිතය නිරූපණය කරන්න සූදානම් වෙනවා. එය ඇගේ සිනමා දිවියේ සුවිශේෂී කඩයිමක් වන බවට සැක නැහැ.
