Sidu Teledrama Exclusive from Starfriends.lk
ලංකාවේ ටෙලි කලාව වෙනස්ම මඟකට හැර වූ නාලිකාවක් ලෙස දෙරණ ටීවී නාලිකාව හඳුන්වා දෙන්න පුළුවන්. සිඳූ ටෙලිනාට්‍යය එහිදී සුවිශේෂී ස්ථානයක් ගන්නවා. සම්මාන උළෙල කිහිපයකදීම ජනප්‍රියම ටෙලිනාට්‍යයට හිමි සම්මානය දිනූ සිඳූ ටෙලි නාට්‍යය යහගුණදම් සපිරි ටෙලි නිර්මාණයක් ලෙස පෙන්වා දෙන්න පුළුවන්කම තිබුණා. මෙතෙක් ටෙලි නාට්‍යයකින් හමු නොවූ සුරතල් සාමනේර චරිතයක් නිසා සිඳූ කතාව ලොකු කුඩා කාගේත් ආදරය දිනා ගත්තා. සිඳූ කතාවේ පුංචි සාමනේර චරිතය නිරූපනය කරන දරුවා ජනප්‍රියම ටෙලිනාට්‍ය නළුවාට හිමි සම්මානය පවා දිනා ගත්තා. සරණ නමැති පූසකුගේ චරිතය ද නොසිතූ ජනප්‍රියත්වයක් අත්පත් කරගත්තා.
නිර්මාණයක් ජනප්‍රියත්වයේ හිනිපෙත්තටම යද්දි නිර්මාණකරුවන්ට මුදල් සම්බන්ධයෙන් කෑදරකමක් හටගන්නවානේ. ඒ නිසා සිඳූ කතාව නොසිතූ ලෙස දිග්ගස්සවන්නට නාලිකාව තීරණය කරනවා. මේ නිසා සිඳූ සම්බන්ධයෙන් තිබුණ ප්‍රෙක්ෂක ප්‍රතිචාර චෝදනාත්මක ස්වරූපයක් ගන්නවා. සිඳූහි පිටපත් රචකයා කතාව විවිධ මානයන්ට රැගෙන ගොස් එකම අච්චාරුවක් බවට පත් වෙනවා. කොටින්ම සිඳූ එපාම වෙලා යනවා. ඒත් තවමත් සිඳූ නරඹන පිරිසක් ඉන්නවා. ඒ හැමෝම කතාව දික් කිරීම සම්බන්ධයෙන් නොසතුටක පසුවන බවත් කියන්නම ඔිනේ.
ඉතින් සිඳූ සම්බන්ධයෙන් අහන්න ලැබෙන චෝදනා සහ ප්‍රතිචාර සළකා බලා ඒ සම්බන්ධයෙන් තීරණයක් ගැනීමට අධ්‍යක්ෂ තිළිණ බොරලැස්ස සූදානම් වෙනවා. ˝සාමාන්‍යයෙන් හුඟක් අය හිතන්නේ නාට්‍යය දිග වැඩි වුණාම ප්‍රමිතිය අඩු වෙනවා කියලා. නමුත් ඒක වැරදියි. සිඳූ කතාව දිග වැඩියි කියලා තමයි ගොඩක් අය කියන්නේ. නමුත් සිඳූ බලන පිරිස අඩුවෙලා නැහැ. කොහොම වුණත් සිඳූ කොටස් 750කින් නතර කරන්න අපි තීරණය කරලා ඉන්නේ˝ මේ විධියට සිඳූ කතාවේ අවසානය සම්බන්ධයෙන් ඉඟියක් ලබාදෙන තිළිණ බොරලැස්ස තවත් සුබ පුවතක් හෙළි කරනවා. ඒ තමයි no parking ලෙස ඉදිරිපත් කිරීමට නියමිත ඔහුගේ අලුත්ම ටෙලිවෘත්තාන්තය. ආරංචි හැටියට ඒකත් ළමයින් එක්ක කරන වැඩක්. ඔහුට ළමයින් සමඟ වැඩ කිරීමේ සුවිශේෂී හැකියාවක් තිබෙනවා. ඒ නිසා තමයි සිඳූ, අවුරුදු දෙකකට ආසන්න කාලයක් තිස්සේ ඇදගෙන එන්න හැකිවන්නෙත්. ළඟදීම මේ සාර්ථක ටෙලි වෘත්තාන්තයේ සුබවාදී අවසානයක් දකින්න ලැබේවි කියලත් අපි අපේක්ෂා කරනවා.
Sidu Teledrama Exclusive from Starfriends.lk
