ජෙහාන් අප්පුහාමි කියන්නේ මීට ටික දවසකට ඉස්සෙල්ලා තිබුණු ජනාධිපති සම්මාන උළෙලේදී නැගී එන නළුවාට හිමි වෙච්ච සම්මානය දිනා ගත්ත චරිතය. චරිතය කියනකොට ඉතින් ඒක චරිතයක්ම තමයි. මොකද ගොඩක් දෙනෙක් කරන්න අකමැති වුණු චරිතයක් තමයි සයපෙතිකුසුම ෆිල්ම් එකේදී ජෙහාන් කරේ. මේ ෆිල්ම් එක ගොඩක් දෙනෙක් නම් කරලා තිබ්බේ සමලිංගික ෆිල්ම් එකක් කියලා. ජෙහාන් කියන විදියට මේ ෆිල්ම් එක කරලා තියෙන්නේ ආදරේ සහ ප්‍රජාතන්ත්‍රවාදය කියන කාරණය මුල් කරගෙනලු. ඒත් ඉතිං පිටින් බලපු ගොඩක් දෙනෙක් මේකට කියලා තියෙන්නේ සමලිංගික ෆිල්ම් එකක් කියලා. කොහොම වුණත් මේ හම්බවුණු සම්මානය ජෙහාන්ට සය පෙති කුසුම film එක හින්දා හම්බෙච්ච ඉස්සෙල්ලාම සම්මානය නම් නෙමෙයි. මීට ඉස්සෙල්ලත් සම්මාන උළෙලවල් කීපයකදීම සම්මාන දිනා ගන්නත් සමත් වෙලා තියෙනවා. ඒත් ඉතිං යාලුවෝ නම් හම්බෙන හම්බෙන තැනදි අහන්නෙ ඇයි ඒ වගේ ෆිල්ම් එකක රඟපාන්න ගියේ කියලලු. ඒත් ඉතිං කවුරුත් දන්නෙ නැති කතාව තමයි ජෙහාන්ට මේකෙ script එක හම්බුනාට පස්සෙ එයා ඉස්සෙල්ලම ඒක ගිහිල්ලා දීල තියෙන්නේ එයාගේ වයිෆ්ට. වයිෆ් කියලා තියෙන්නේත් ඒක ලස්සන වැඩක්, ඒත් ඉතිං එක සීන් එකක් තියෙනවා ඔයා ඒක කොහොම කරයිද කියලා දන්නේ නෑ කියලාලු.
කොහොමහරි ඉතින් මිනිස්සු කතා වෙන විදියේ ෆිල්ම් එකකුත් කරලා ඒකෙන් සම්මානයකුත් ගතත ජෙහාන් මේ වෙනකොට අලුත් වැඩකටත් අත ගහලයි තියෙන්නේ. ඒකත් ඉතින් Art එක පැත්තෙන්ම යන වැඩක් තමයි. මේ දවස්වල ජෙහාන්ලා එකතුවෙලා තියටර් වර්ක් කියලා ආයතනයක් පටන් අරන් තියෙන්නේ. ඉතිං ඒකෙන් stage drama සම්බන්ධයෙන් මාස දෙකකට සැරයක් එළියට එන magazine එකත් කරන්න පටන් අරන් තියෙනවා . ඒකෙ නම තමයි ‘drama’. ඒ magazine එකම මේගොල්ලෝ e-book එකක් විදිහටත් එළියට දාන්නලු හිතාගෙන ඉන්නේ. ඉතින් ඔයාලත් stage drama ගැන වැඩි කැමැත්තක් ආසාවක් තියෙනවානම් ජෙහාන්ලාගේ magazine එක බැලුවොත් වැඩියෙන් කරැණු ටිකකුත් එකතුකර ගන්න බැරිවෙන එකක් නෑ.
