විනූ සිරිවර්ධන කියන්නේ කාගේත් ආදරය දිනාගත්ත ජනප්‍රිය රංඟන ශිල්පිනියක්. රූප සුන්දරියක් ලෙසින් රසිකයින් අතරට ආපු විනූ මියුසික් වීඩියෝ කලාවේත් ටෙලි නිර්මාණ කලාවේත් නමක් දිනාගන්නවා. මේ වෙද්දි නම් ඉතින් විනූට විශාල රසික ආකර්ශනයක් ලැබෙනවා.
මේ නිසාම විනූ සම්බන්ධයෙන් මාධ්‍ය වගේම ඇගේ රසික රසිකාවන් ද හරිම උනන්දුයි.
මේ දවස්වල විනූගේ ජීවිතයට ඉතාම සමීප කෙනෙක් සිටින බව දැනගන්න ලැබෙනවා. විනූ මේ අමුත්තාට හුඟක් ආදරය කරන බවත් දැනගන්න ලැබෙනවා.
අමුතාගේ නම තමයි Eddie. එයා විනූව හොයාගෙන එන්නේ පිටරටක ඉඳලා. ඹ්‍රිටිශ් ශොර්ටඉර් කියන උසස් කුලයට තමයි Eddie අයිති වෙන්නේ.
Eddie කියන්නේ විනූට ලැබුණ තෑග්ගක්. එයා අලුපාට හුරතල්ම හුරතල් පූසෙක්. විනූ Eddie කොයිතරම් ආදරෙයිද කියනවා නම් මේ දෙන්නාගේ ෆොටෝ, වීඩියෝ සහ ස්ටේටස් අප්ඩේට් කරන්න ඉන්ස්ටර්ග්‍රෑම් ගිණුමකුත් නිර්මාණය කරනවා. Eddie ඉන්ස්ටර්ග්‍රෑම් ගිණුමේ විනූගෙයි Eddie ගෙයි ඡායාරූප වැහිවැහැලා.
ඉතින් මේ අපූරු තෑග්ග විනූට තෑගි කළේ කවුද කියලා කියන්න නම් අපි දන්නේ නැහැ. මේ දවස්වල විනූ පොඩි බිස්නස් වැඩක් ගැන හිත හිතා ඉන්නවා කියලත් දැනගන්න ලැබෙනවා. ඇය බොහෝ වෙලාවට සැරසී සිටින්නේ ඇය විසින්ම නිර්මාණය කළ ඇඳුම් විලාසිතා. ඉතින් මේ හැකියාවෙන් බිස්නස් එකක් කරන්න ඇය අදහස් කරගෙන සිටිනවාලු. මෝස්තර නිර්මාණ ශිල්පිනියක් ලෙස සමහරවිට විනූ ඉදිරියේදි මෙරට නමක් දිනාගනීවි.
