වත්සලා ටිකිරිලියාත් එක්ක සෙට් වෙලා..- වත්සලා දියලගොඩ

අපි දන්න නොදන්න කවුරු උනත් එක එක විනෝදාංශවලට පුරුදු වෙලා ඉන්නවානේ. ඒක ඉතින් ලෝකෙ කොහේ ගියත් දකින්න තියෙන දෙයක්. ඒකට ඉතින් තැනක් නො තැනක් කියල දෙයක් නෑ. දෙයක් විනෝදාංශයක් විදියට පටන් අරගෙන ටිකක් කලක් යනකොට ඉතින් ඒක පුරුද්දක් විදියටම පත් වෙනවා. මේ කියන්න යනදේත් ඉතින් විනෝදාංශයක් විදියට පටන් අරගෙන පස්සේ පුරුද්දක් බවට පත් වෙච්ච දෙයක්. හැබැයි ඒ පුරුද්ද ඉතින් නරක පැත්තට නෙමෙයි හොඳ පැත්තට තමයි කැරකිලා ඇවිත් තියෙන්නේ. කොටින්ම කියනවා නම් ඉතින් මේ විනෝදාංශය දැන් ආදායම් මාර්ගයක් බවටත් පත් වෙලයි තියෙන්නේ. මේ සිද්ධිය වුනේ කාටවත් නෙවෙයි ඕගොල්ලො කවුරුත් දන්න කියන වත්සලා දියලගොඩට.

මීට ටික දවසකට ඉස්සරවෙලා වත්සලා අලුත් විනෝදාංශයකට නැඹුරු වුණා. ඒක තමයි සාරි ඩිසයින් කරන එක. ඊට පස්සෙ ඒක ඔන්ලයින් සාරි බිස්නස් එකක් පටන් ගන්න තැනටම ඇදිලා ගියා. සාරි බිස්නස් එකක් කිව්වට ඉතින් ඒක saree designing වැඩක්. හැබැයි ඉතින් මුලින් මුලින් කරේ දන්න කියන කට්ටිය අතරේ විතරයි. ඒත් ඉතින් පහු වෙන්න පහු වෙන්න ගොඩක් අයගේ ඉල්ලීම නිසාම මේක හැමදෙනාම අතරේ ව්‍යාප්ත කරන්න වත්සලා පටන් ගත්තා. මේකෙ තියන විශේෂත්වය තමයි වත්සලා කියන විදියට එයා කොහොමත් අඳින්නෙ වෙනස්ම විදියකටලු. ඉතින් එයා කරන නිර්මාණ ගොඩක්ම තියෙන්නේ එයාගේ විලාසිතා විදියටමලු. ඒත් ඉතින් එහෙම වුණා කියලා නැහැ තමන්ට කැමති කැමති ඕන විදියේ මෝස්තරයක් තියෙනවනම් මෙයාලට කියලා ඒක design කරගන්නත් පුළුවන්ලු. ඒ ඩිසයින් කරපු සාරි මෙයාලා ඩිලිවරි කරන එකත් කරනවලු. හැමදේම කිව්වත් ඉතින් වත්සලාගේ බිස්නස් එකේ නම කියන්න බැරි උනානේ. මෙයාගේ සාරි ඩිසයිනින් බිස්නස් එකේ නම තමයි “ටිකිරිලියා”. ඔයාලට වත්සලාගේ සාරි ඩිසයිනින් වැඩ ගැන තවත් විස්තර දැනගන්න ඕනනං ටිකිරි ලියා කියන FB page එකට හරි Instagram හරි ගියොත් ඕන තරම් දේවල් දැනගන්න පුළුවන් වෙයි. ඉතින් සාරි අඳින අය නිකමට වගේ ටිකිරිලියාගෙන් සාරියක් ඩිසයින් කරගෙන බලන්නකො කො⁣හොමද වැඩ කියලා…