2018 ලෝක රූ රැජිණ තරඟය නියෝජනය කිරීමේ වරම් ලබන, ශ්‍රී ලංකාවේ සුන්දරම යුවතියට හිමි කිරුළ දිනා ගන්න සුමුදු ප්‍රසාදිනී සමත් වෙනවා.
ඇය මේ ගමන පටන් ගන්නේ නිරූපිකාවක් විදියට. රූපවාහිනී නාලිකා කිහිපයක නිවේදිකාවක් වන්නත් ඔය අතරෙදී ඇයට අවකාශ සැලසෙනවා.
මිසිස් ශ්‍රී ලංකා අවසන් වටය සඳහා එන්න ඇයට මිනි පැජන්ට්ස් කිහිපයකටම මුහුණ දෙන්න සිදුවෙනවා. එලෙස මුහුණ දුන් මිනි පැජන්ට්ස් අතරින් සුමුදු ගොඩක්ම ආස වුණේ බෙස්ට් ෆිගර් මිනි පැජන්ට් එකට. ඒ වෙනුවෙන් ඇය විශාල කැපකිරීමක් කරනවා. කොටින්ම කියනවා නම් බෙස්ට් ෆිගර් වෙන්න සුමුදු උදේ හවස ජිම් ගිහින් විතරක් නෙමෙයි දවස් දෙකක් නොකා ඉඳලත් තියෙනවාලු. කොහොම වුණත් මේ කැපවීමේ ප්‍රතිඵල අද ඇය භුක්ති විඳිනවා.
අපි යම් දෙයක් අවංක කැපවීමෙන් කරනවා නම් කිසිම කෙනෙක්ට වරදින්නේ නැහැ. හැම වෙලාවේම මම මගේ ශක්තිය කරගත්තේ මගේ කැපවීම. ඒ වගේම මගේ හස්බන්ඩ් මට ඉතාම ලොකු සහයෝගයක් ලබා දුන්නා.
සුමුදු සිය ජයග්‍රහණය විස්තර කළේ ඒ විදියට. මේ තරම් දුරක් එන්න උදව් කරපු සියලුම දෙනාට ඇය හදවතින්ම ස්තූති කරන්නත් අමතක කළේ නැහැ.
මෙතැනින් එහාට ඇයට තව ගමනක් තියෙනවා. ලෝකයක් දිනන්න යන ඒ ගමනට අපිත් ඇයට ශුභාශිංසන එකතු කරනවා
