Thiwanka Dilshan Exclusive from Starfriends.lk
ඉස්සර නම් අලුතින් ගායකයෙක් ගායිකාවක් එනවා කියන්නේ තනිකරම කට්ටක්. ඉස්සර ආපු අය කාපු කටුවල හැටියට දැන් ඉන්න අය කට්ටක් කනවද කියලාත් වෙලාවකට හිතන්න වෙනවා. මොකද ඒවත් එක්ක බැලුවාම මේවා නිකන් ලපටි සීන් වගේ කියල තමයි ඉස්සර ඉඳන් කටු කාලා මේ ෆීල්ඩ් එක ආක්‍රමණය කරපු චරිත නම් කියන්නේ. සරලවම කියනවා නම් ඉස්සර සින්දුවක් අහන්න තිබ්බ එකම තැන රේඩියෝ සිලෝන් එක විතරයි. ඒ වගේම තමයි ඒවා කියන ගායක ගායිකාවන්ටත් එන්න තිබුණ එකම චාන්ස් එක සෙට් වෙන්නෙත් මෙතනින්ම විතරයි. සරල ගී පරීක්ෂණ සමත් වෙලා එතනින් එළියට දාන අය තමයි ඊට පස්සේ ගායක-ගායිකාවෝ විදියට ලංකාව පිළිගන්නේ. ඒ ඉස්සර, දැන් ඉතින් එහෙම නෑ. ලංකාවේ ටී.වි. චැනල් වලිනුත් ගායක ගායිකාවන් තෝරන්න පටන් ගත්තා. superstar, dream star වගේ තරඟ පටන් ගත්තේ එහෙමයි. මෙන්න මේ ස්ටාර්ස්ලා තෝරන තරඟ වලදී ඉදිරිපත් වෙන අය ගොඩ යන ප්‍රමාණයට වැඩිය තරඟවලට ඇවිත් කැපිල යන සෙට් එක තමයි ඉතින් වැඩි. ඒකත් ඉතින් එක විදියක සීන් එකක් තමයි.
ඔයාලට මතකද දන්නේ නෑ මීට ටික දවසකට ඉස්සර වෙලා ටීවී චැනල් එකක තිබුන තරඟයකින් තිවංක දිල්ෂාන් ෆයිනල් එන්නේ නැතුවම මඟදී out වෙලා ගියා. ඊට පස්සේ ඔන්න ඕකත් එක්කම තමයි සැරටම කතාවක් ගියේ. තරඟය විනිශ්චය කරන්න ඇවිල්ල හිටියේ රූ කාන්ත ගුණතිලක එක්ක පටලැවිල්ලක් වුනාය කියලා. ඒත් ඉතින් ඒක ගැන නම් තිවංක කියලා තියෙන්නේ මෙන්න මෙහෙමයි. ඔය සිද්ධිය වෙන වෙලාවේ එයා හිටියේ studio එකේලු. එදා වුණ කිසිදෙයක් එයා දන්නෙත් නෑලු. අනික රූකාන්ත කියන්නේ තිවංකට දෙවි කෙනෙක් කියලා තමයි තිවංක නම් කියන්නේ.ඒ වගේ කෙනෙක්ට කවදාවත් අතක් උස්සන්නවත් හිතෙන්නෙවත් නෑ කියලයි එයා කියලා තියෙන්නේ. කොහොමහරි ඒ කතාව එහෙම උනාය කියමුකෝ.
ඔන්න තිවංක පහුගිය 4 වෙනිදා එයාගේ ඉස්සෙල්ලම song එක release කරා. ඒකෙ නම තමයි ‘මතක අමතක’ . ඕන කෙනෙකුට song එකක් කරන්න පුළුවන්. ඒත් ඉතින් ඒකට ඉස්සරහට වෙන්නේ මොනාද කියලාත් බලන්න ඕනනේ. කොටින්ම කියනවා නම් මිනිස්සු ඒ සින්දුව අහයිද? රේඩියෝ චැනල් වලට දෙන්න පුළුවන් වෙයිද ? You tube දැම්මොත් views කොච්චර තියෙයිද වගේ අනන්ත අප්‍රමාණ ප්‍රශ්න තියෙනවා. ඕනම කෙනෙක්ට ඒ ප්‍රශ්න තියෙනවා වගේ තමයි තිවංකටත් ඒ දේවල් එහෙමම තිබ්බා. හැබැයි ඉතින් ඒ ප්‍රශ්න වලට උත්තර හොයන්න තිවංකට මහන්සිවෙන්න දෙයක් තිබුණේ නෑ. ඒවට උත්තර හොයලා දුන්නෙ එයාගේ රසිකයෝ. දන්නවද කොහොමද එයගේ song එකට ලැබුණු ප්‍රතිචාර කියලා. ලේසි නෑ දවස් හතරට මිලියන 7ක views… තිවංක එයාගේ song එක ගැන මෙන්න මෙහෙමයි කියන්නේ. සිංදුව රිලීස් කරල දවස් හතරකින් මිලියන හතක් මේක බලලා තිබ්බාලු. තවමත් මේක ලංකාවේ අඩුම කාලයක් ඇතුළත වැඩිම දෙනෙක් බලපු සින්දුව කියලා.
Thiwanka Dilshan Exclusive from Starfriends.lk
