Bollywood Celebrities Exclusive from Starfriends.lk
අනුශ්කා ශර්මා (Anushka Sharma)
විරාට් කෝලිව කසාද බැඳලා අනුශ්කා ඉතාම සතුටින් ජීවත් වුණා කිව්වත්, අනුශ්කා මානසික රෝගී තත්ත්වයකින් පීඩා විඳිනවා. Anxiety කියලා හඳුන්වන මේ මානසික තත්ත්වයට සාංකාව කියලත් කියනවා. අනුශ්කා කියන්නේ මේ කාරණා සැඟවිය යුතු නැහැ කියලා. කවුරු හරි කෙනෙක් බඩේ අමාරුවට බෙහෙත් ගන්නවා වගේ මානසික රෝගී තත්ත්වයන්ට බෙහෙත් ගැනීමත් සාමන්‍යයි කියලා ඇය පෙන්වා දෙනවා. අනුශ්කා කියන්නේ ඇයගේ පවුලේ අයත් මේ වගේ යම් යම් මානසික තත්ත්ව යටතේ පීඩා විඳිනවා කියලා. ඒ නිසා අනෙක් අයටත් මේ ගැන කියන්න ඇය ඉදිරිපත් වෙනවා.
දීපිකා පදුකෝන් (Deepika Padukone)
දීපිකා පදුකෝන් මානසික ආතතිය නිසා කාලයක්ම පීඩාවට පත්ව සිටියා. මේ තත්ත්වයෙන් මිඳුනාට පසුව ඇය මානසික ආතතියෙන් පීඩා විඳින්නන් සුවපත් කිරීම උදෙසා මධ්‍යස්ථානයක් පවා ඇති කළා. ඒ වෙනුවෙන් නිරන්තරයෙන් මුදල් වියදම් කළා.
ආතතියෙන් පෙළෙන සමයේ දීපිකා ඇයගේ මනස අවුල් කරන කාරණා වලින් ඈත් වෙලා ඉන්න උත්සාහ ගන්නවා. ඒත් ඇයට පීඩාව ඇතිකරවන සිතුවිලි පහව ගියේ නැහැ. ඇයගේ හුස්ම පවා ඇයට දැනෙන්නේ පීඩාවක් ලෙස. මේ නිසා වැඩ කරද්දී පවා දීපිකාට ඒ වෙනුවෙන් අවධානය යොමු කිරීම අපහසු වෙනවා. ඇය තමන්ගේ මානසික තත්ත්වය විස්තර කළේ ඒ ආකරයට.
ශාරුක් ඛාන් (Shahrukh Khan)
2010 දි ශාරුක් ඛාන්ට උරහිසේ සැත්කමක් කරනවා. ඒ සැත්කමට පසුව ශාරුක් විශාද තත්ත්වයට පත් වෙනවා.
උරහිසේ හටගත් වේදනාව සහ ශල්‍යකර්මය නිසා හටගත් වේදනාව නිසා තමන්ව විශාද තත්ත්වයට ගොදුරු වූ බව පසුව ශාරුක් මාධ්‍යයට ප්‍රකාශ කරලා තිබුණා. කෙසේ වුවත් දැන් ශාරුක් එම තත්ත්වයෙන් මිදී සිටිනවා.
වරුන් ධවාන් (Varun Dhawan)
Badlapur සිනමා නිර්මාණයේ රූගතකිරීම් අතරතුර වරුන් ධවාන් විශාද තත්ත්වයට ගොදුරු වෙනවා. නමුත් ඔහුගේ එම මානසික තත්ත්වය සායනික මට්ටමින් තහවුරු කරලා නැහැ. ඒත් වරුන්ට ඔහුගේ මානසික ආතතිය තේරුම් ගන්න පුළුවන්. ඔහු නිතර කනස්සල්ලට පත් වෙනවා. මේ නිසා ඉක්මනින්ම වෛද්‍ය උපදෙස් ගන්න ඔහු බලාපොරොත්තු වෙනවා.
කරන් ජෝහාර් (Karan Johar)
NDTV සමඟ සම්මුඛ සාකච්ඡාවකට එක් වෙමින් ප්‍රවීණ සිනමා අධ්‍යක්ෂ කරන් මේ පිළිබඳව විස්තර කියලා තිබුණා.
දැඩි මානසික ආතතියෙන් පීඩා විඳපු අවස්ථා ඔහුගේ ජීවිතයට මුණගැහෙනවා. එවැනි අවස්ථාවල ඔහුට හිතුනේ හෘදයාබාධයක් පවා වැළඳෙයි කියලාලු. අවුරුදු දෙකහමාරකට විතර කලින් පිරිසක් මැදදී කරන්ගේ පපුවේ කැක්කුමක් එනවා. කරන් වහාම වෛද්‍යවරයෙක් මුණගැහිලා ඔහුගේ මානසික ආතතිය වෛද්‍යවරයාට විස්තර කරලා තියෙනවා. ඊට පස්සේ තමයි කරන් සැහැල්ලුවට පත් වෙලා තිබුණේ.
Bollywood Celebrities Exclusive from Starfriends.lk
