පහුගිය දවසක තලවතුගොඩ විශාල ගින්නක් ඇතිවුණා. ඒ ගින්නට යාබද ගොඩනැඟිල්ලක් ද මැදිව තිබුණා. එම ගොඩනැඟිල්ලෙහි එක් මහළක ජනප්‍රිය සංගීත ශිල්පිනියක වූ උමාරාගේ වෝකල් ඇකඩමිය ද පවත්වාගෙන යමින් තිබුණා. උමාරා තාවකාලිකව නතරව සිටියේ එහිම එක් මහලක.
කෙසේ හෝ මෙම ගින්නෙන් වෝකල් ඇකඩමිය පවත්වාගෙන ගිය ගොඩනැඟිල්ලෙහි එක් බිත්තියක් මුළුමනින්ම පිළිස්සිලා. ඒ විතරක් නෙමෙයි උමාරා නතරව සිටි තැනත් පිළිස්සී ගිහින්.
මේ ගින්න නිසා උමාරාට සිදු වූ පාඩුව කියලා නිමකරන්න බැරි තරම්ලු. වෝකල් ඇකඩමියේ සියලු ලියකියවිලි මෙන්ම සංගීත උපකරණ ද මේ ගින්නෙන් පිළිස්සී ගොස් තිබෙනවා. ඒ විතරක් නෙමෙයි උමාරා තාවකාලිකව නතරව සිටි මහළ ද ගින්නට හසුවෙලා. මේ නිසා ඇයගේ ඇඳුම් පැළඳුම් සහ ජුවලරි ද පිලිස්සී ගිහින්.
මේ සියලු භෞතික දේවල් අහිමි වුණත් උමාරා නැවත නැඟී සිටිනවා. ඒ ඇයට ඉතාම ආදරණීය පවුලක් මෙන්ම හිතවත් පිරිසක් ද සිටින නිසා. සිද්ධිය වූ අවස්ථාවේම ඇගේ නැගනිය වූ උමාරියා ද එතැනට පැමිණෙනවා. කෙසේ හෝ මේ ගොඩනැඟිල්ල යලි පිළිසකර කළාට පසු නැවත් උමාරා එයාගේ වැඩ පටන්ගන්නවා. ඒ අනුව මාසයකටත් වැඩි කාලයක් වසා දමා තිබුණ වෝකල් ඇකඩමියේ වැඩත් අලුතින් පටන්ගන්නවා.
උමාරා දෙසැම්බරයේ අලුත් ගීතයක් අපිට තිළිණ කරන්නත් බලාපොරොත්තුවෙන් ඉන්නේ. ඉතින් අපි ඇයගේ සියලු කටයුතු වලට ආශීර්වාද කරනවා.
