Poojani Bhagya Exclusive from Starfriends.lk
පාරෙ තොටේ යනකොට පාරේ ඉන්න බල්ලෝ පුසෝ දැක්කොත් එහෙම මොකද කරන්නේ. අහක බලන් යනවද එහෙම නැත්නම් ගෙදර අරන් යනවද? ගෙදර අරන් යන්න නම් විදියක් නෑ නේද, මොකද එහෙම වුනොත් ගෙදරින් කේස් ගොඩයි. අපිටත් ඉතින් එහෙම වුනොත් වෙන්නේ අහක බලාගෙන යන්න තමයි .ඔයාලා දන්නේ නැති වුණාට එහෙම නොකරන කට්ටියකුත් ඉන්නවා. ඒ අතරින් ජනප්‍රිය කෙනෙක් තමයි පූජානී කියන්නේ. මෙයා නිළියක් වෙන්න ඉස්සර වෙලා ගෙවල් පැත්තේ ගොඩක් අය දැනගෙන හිටියෙ බල්ලෝ, පූසෝ ගෙදර අරන් යන කෙල්ලෙක් විදිහටලු. හිනා වෙන්න දෙයක් නෑ ඒක තමයි ඇත්ත කතාව. සාක්කිත් එක්ක තමයි කියන්න තියෙන්නේ. පාරේ අතෑරලා දාලා ගියපු බල්ලො දහයක් ,පූසෝ අටදෙනෙක් මෙයා ගෙදර අරන් ගිහිල්ලා තියෙනවා. සමහර එවුන් තුවාල වෙලාලු. මෙයාගේ වැඩේ ගෙදර අරන් ගිහිල්ලා මෙයාලව සනීප කරන එකලු. කොහොම හරි මේ පින් අතේ වැඩ ටික නම් මෙයා ඒ විදියටම කරනවලු. පූජානි ගොඩක්ම කැමති ෆිල්ම් වලටලු. ඒකටත් එක හේතුවක් තියෙනවා. මෙයා ටිකක් උසයි. උසයි කියන්නේ අඩි 5 අඟල් 8 ක් විතර. මෙන්න මේ හින්දා තෝරා ගත්ත ටෙලිඩ්‍රාමා වලින් මෙයාට එළියට එන්න වෙලාත් තියෙනවා. මොකද නළුවාට වඩා නිළිය උස හින්දා. මෙයා ෆිල්ම් වලට කැමති හින්දා ගොඩක් ෆිල්ම් වලට එහෙම ආරාධනා ලැබෙනවාලු. ඒත් ඉතින් ලැබුණු හැම ආරාධනාවක්ම පිළිගන්න බැරි වෙලා තියනවා. එයින් එකක් මේ ලඟදී දවසක එයාට හම්බ වෙලා තියෙනවා ෆිල්ම් එකක සමලිංගික චරිතයක් රඟපාන්න. ඒත් මෙයා ඒ චරිතය භාර ගැනීමක් ප්‍රතික්ෂේප කරලා තියෙනවා. අන්න එහෙමයි එයාගේ හැටි.
කොහොම හරි මේ ළඟදී දවසක එයාට මරු මරු සීන් වලට මුහුණදෙන්න සිද්ධ වෙලා තියෙනවා. පූජානී කියන විදියට නම් ඒවත් මාර වැඩලු. ලඟදි ළඟදි ඉඳලා පූජානිට අමුතුම කෝල්ස් එනවලු. කෝල් එන එක නම් ඉතින් සාමාන්‍යය දෙයක්නේ. මේක එහෙම කෝල්ස් නෙවෙයිලු. වෙනම විදියට එන කෝල්ස්ලු. ඔය අතරේ අමුතුම විදියේ කෝල් එකක් මේ ලඟදී ඇවිල්ලා තියෙනවා .කෝල් එක නම් දීලා තියෙන්නේ සන්නාම තානාපති කියන කෙනෙක්. එයා පූජානිට කෝල් එකක් දීලා කියලා කියනවා company එකේ වැඩක් තියෙනවා එතැනට එන්න කියලා. හැබැයි එන්න කියලා තියෙන්නේ තනියම. අම්මත් එක්ක නම් එන්න එපා කියලා කිව්වලු. අන්තිමේදී වුනේ ඒ නම්බර් එක බ්ලොක් උන එකලු. හැබැයි ඉතින් හොඳේ තියෙන්නේ පූජානි ඒ company එක මොකක්ද කියලවත් සන්නාම තානාපතිගේ නමවත් සඳහන් නොකරපු එකයි.
Poojani Bhagya Exclusive from Starfriends.lk
