ගොඩක් කාලේකට පස්සේ ගයාන් “එක රෑනේ කුරුල්ලෝ” කියලා ටෙලි නාට්යයක් අධ්යක්ෂණය කරන්න පටන් අරගෙන. ඒක සීයා කෙනෙකුයි තාත්තා කෙනෙකුයි පුතෙකුගෙයි කතාවක් ලු. ඒ තුන්දෙනාම රැකියාවක් නැතිව ජීවත්වෙන්න දරන මහන්සිය තමයි කතාව විදියට ගලාගෙන යන්නේ. ඉස්සර තිබුණ බෝඩිම, අසල්වැසියෝ වගේ නාට්ය ආකෘතියක් ලු මේ කතාවටත් අරගෙන තියෙන්නේ. ඒ කියන්නේ සීරියස් කොමඩියක්. පුරුදු විදියට එක රෑනේ කුරුල්ලෝ නාට්යයටත් චතුරිකා සහ ගයාන් රංගනයෙන් දායක වෙනවා. විහඟ සහ මහීමා ලෙස තමයි ඔවුන් නාට්යයෙදි මුණගැහෙන්නේ. මේ කතාවේ එක තැනකදි මහීමාගේ අතින් විහඟ කම්මුල් පාරකුත් කනවාලු. ඒ කියන්නේ චතුරිකාගේ අතින් ගයාන් කම්මුල් පාරක් කනවා. රගපාන්න ගියාම එහෙම තමයි. කැපකිරීම් කරන්න වෙනවා. ඉදිරියේදී තමන්ගේම කියලා සිනමා නිර්මාණයක් කරන්නත් ගයාන්- චතුරිකා දෙන්නගේ බලාපොරොත්තුවක් තියෙනවා. එක රෑනේ කුරුල්ලෝ එක්ක මහේන්ද්‍ර පෙරේරා, නෙතලි නානායක්කාර, දයාදේව එදිරිසිංහ, සුරාජ් මාපා, ධනංජි තාරුකා ඇතුළු නළු නිළියන් රැසක් සහභාගී වෙනවා. ඉදිරියෙදි අපිට මේ නිර්මාණය කොයි වගේද කියලා දැක බලාගන්න පුළුවන් වෙයි.
