Hirushi Jayasena Exclusive from Starfriends.lk
හිරුෂි තවම ඔයාලට අලුත් වුණාට ඇය ගීත ගායනයෙන්, රංඟනයෙන් සහ නර්තනයෙන් ඔයාලා අතරට ආපු ආධුනික ශිල්පිනියක්. ඇය වෘත්තියෙන් වෛද්‍යවරියක් වීමත් සුවිශේෂීයි.
හේමාල්ව නම් ඉතින් ඔයාලා හැමෝම හොඳින් දන්නවනේ. හේමාල්ගේ හිත ගත්ත පෙම්වතිය කවුද කියලා කවුරුවත්ම තවමත් හරියට දන්නේ නැහැ. ලාංකේය වාණිජ සිනමාව තුළ හේමාල්ට තියෙන්නේ ඉතා විශාල පිළිගැනීමක්. ඔහු රංඟනයෙන් සම්බන්ධ වූ “තාල” සිනමා කෘතිය අද හෙටම ලංකාව පුරා තිරගත වීමටත් නියමිතයි. තාල චිත්‍රපටයේ මාධ්‍ය දර්ශනය සහ පූර්ව ප්‍රචාරක පට ඇතුළු ගීත දර්ශන නැරඹූ බොහෝ සිනමා රසික රසිකාවන් ඒ ගැන ඉහළින් කතා කරනවා. තිරයේ සිහින පෙම්වතාගේ චරිතයෙන් ඔබ්බට ගිය වෙනස් චරිතයක් තාල තුළින් හේමාල්ට පැවරී තිබෙනවා. ඒ වගේම හේමාල් එම වගකීම හරියටම භාරගෙන ඇති බවත් පෙනෙන්න තිබෙනවා.
දැන් මේ සුවහසක් කොල්ලන්ගේ කෙල්ලන්ගේ සිහින කුමාරයා වුණ හේමාල්ට බැල්ම දාන හිරුෂි කියන්නේ කවුද? හිරුෂි පෙන්වා දෙන ආකාරයට හේමාල් තමයි සිනමාවේ සිහින කුමාරයා. මේ නිසා ඇය හේමාල් සමඟ පෙමින් වෙළී රංඟනයක නිරත වෙනවා. ඒ ඇයගේ “හැඟුමන්” නමින් කලඑළි බහින අලුත්ම ගීතයේ රූප රචනාව. මීට කලින් මායා චිත්‍රපටයේ තේමා ගීතය ගායනය නිසා හිරුෂි ගැන කතාබහක් ඇති වෙනවා. ඊට පස්සේ තමයි ඇයට මේ අවස්ථාව ලැබෙන්නේ. හිරුෂිට හින්දි සහ කණ්නඩ භාෂා වෙන්ද ගීත ගායනයට වරම් ලැබී ඇති බව දැනගන්න ලැබෙනවා. ඒ ඉන්දීය ගායකයින් දෙදෙනකු සමඟ වීමත් විශේෂත්වයක්.
හිරුෂි සමඟ හැඟුමන් ගීතයට අතිෂය ප්‍රේමණීය රංඟනයක නිරතවන්නේ හේමාල් රණසිංහ. හේමාල්ට හිරුෂි හොඳින්ම ගැලපෙනවා කියලත් මේ වීඩියෝව නරඹපු සමහරු කියනවාලු. රංඟනයට එන්නත් හිරුෂිගේ කැමැත්තක් තියෙනවා. එතැනදි ඇයත් සමඟ රඟපාන නළුවා කවුද යන්න අදාලම නෑ කියලත් ඇය කියනවා. අපිට මේ තොරතුරු දැනගන්න ලැබුණේ අන්තර්ජාලයේ පළවුණ ලිපියකින් බවත් කියන්නම ඕනේ.
Hirushi Jayasena Exclusive from Starfriends.lk
