පියුමි ශ්‍රී නායක නිළියක් ලෙසින් ජනප්‍රිය වෙන්නේ මෑතකදි. ඒ රාවණ සහ වෙස් කියන ටෙලි නිර්මාණ ද්විත්වය නිසා. පාසල් සමයේ පටන්ම නිළියක් වෙන්න ආසා කරපු පියුමි චන්න විජයවර්ධන මහතා යටතේ නර්තනය පවා හදාරලා තියෙනවා. තවමත් පොඩි කෙල්ලක් වගේ පෙනුනාට පියුමි විවාහක කාන්තාවක්. ඇත්තටම ඇය විවාහ වන්නේ ඇයට වයස අවුරුදු 20දි. දැන් ඇයගේ විවාහ ජීවිතයට වසර 6ක් ගතවෙලා තියෙනවා.
පියුමි විවාහය ගැන වගේම ඇගේ ජීවිතයේ මුණගැසුන ආදර සම්බන්ධතා ගැනත් පුවත්පතකට කියලා තිබුණා. පියුමි මුලින්ම ආදර සම්බන්ධයක් ඇති කර ගන්නේ පාසල් සමයේදී. තමන්ට වඩා ඉහළ පන්තියක සහෝදරයකු සමග ඇතිවුණ මේ ආදර සම්බන්ධයට වැඩි ආයුෂ තිබුණේ නැහැ. ඒකට හේතුව තමයි ඔවුන් අතර ඇතිවුණ ලියුම් ගනුදෙනු ඉස්කෝලේ ගුරුවරුන්ට මට්ටු වීම. පාසල් ප්‍රේමය කියන්නේ ඒ වගේ සුන්දර අත්දැකීමක්. හරි කලාතුරකින් තමයි පාසල් ප්‍රේමයක් විවාහයෙන් කෙළවර වෙන්නේ.
පියුමිගේ ආදරය දිනාගත්ත අනෙක් පෙම්වතා මුණගැහෙන්නේ උසස්පෙළ කළාට පස්සේ. ඔහු ව්‍යාපාරිකයෙක්. මේ සම්බන්ධයට නම් ගෙවල් දෙකෙන්ම විරෝධයක් ඇවිල්ලා නැහැ. ඉස්සරවෙලාම පියුමිගේ හිත ගිහිල්ලා තියෙන්නේ ඔහුගේ පෙනුමට. ඊට පස්සේ නම් ඉතින් ගතිගුණත් හොඳයි කියලා තේරුම් ගියාලු. පියුමි මේ ෆීල්ඩ් එකට එද්දිත් විවාහ වෙලා සිටියේ. සාමාන්‍යයෙන් ජනප්‍රියත්වය සළකලා ජනප්‍රිය අය ගොඩක් වෙලාවට විවාහය කියන කාරණය හංගනවා. ඒත් පියුමි නම් ඇගේ ස්වාමිපුරුෂයාව හංගන්න උත්සාහ ගත්තේ නැහැ. ඒ වගේම විවාහයෙන් අවුරුදු 6ක් ගෙවිලා තිබුණාත් තවම පියුමිලා අලුත බැඳපු කපල් එකක් වගේ කියලා තමයි හැමෝම කියන්නේ. ඒ සතුට හැමදාම පවතීවා කියලා අපිත් ප්‍රාර්ථනා කරනවා.
