අංජුලා දැන් තැන්පත් වෙලාලු..-අංජුලා රාජපක්ෂ

අංජුලා රාජපක්ෂ. මුලින්ම ඉතින් එහෙම කිව්වම ලේසි අන්ජුලාව අඳුනන්නෙ නැති කෙනෙක් හොයාගන්නත් ටිකක් අමාරු නිසා. මොකද අංජුලා ඊයේ පෙරේදා field එකට ආපු කෙනෙක් නෙවෙයි. එයා දැන් කලාවට අඩිය තියලා අවුරුදු විස්සක්ම වෙලා තියෙනවා. හිතන්නත් පුලුවන්ද නේද එහෙම අවුරුදු විස්සක්ම මෙයා ෆීල්ඩ් එකේ හිටියා කිව්වම. බැලුවම අන්ජුලා දිහා පේන්නෙ නම් අද ඊයෙ ආවා වගේ සීන් එකක්. සමහරු කියන විදියට නම් ඉතින් ගොඩක් වෙලාවට අන්ජුලාට රඟපාන්න හම්බෙන්⁣නෙම නපුරු චරිතලු. සමහරු එහෙම කිව්වට ඉතින් අපිත් ටිකක් හොයලා බලද්දි පේන්න නම් තියෙන්නේ මෙයාට හම්බෙන්නෙම ඒ වගේ දේවල් වගේ කියලා තමයි. ඒ වගේ දේවල් හම්බුනා වුණත් ඉතින් අන්ජුලා ගානට තිතට වැඩේ කරලා ඇති. කොහොම වුණත් අන්ජුලා කියන්නේ නම් එයා නපුරු චරිත කරන්න අකැමැත්තක් දක්වන්නෙ නෑ කියලා. ඒකට හේතුවිදියට එයා කියන්නේ මේ වගේ කාලෙක ඉතින් නිලියකට තෝරා බේරාගෙන රඟපාන්න බෑ කියලා. මේ ෆීල්ඩ් එකේ රැඳිලා ඉන්න නම් වැඩ තියෙන්න ඕනෙලු. කොච්චර කිව්වත් ඉතින් ඒගොල්ලො කලාකාරිනියක් කියලා වැඩ කරන්නේ නැත්නම් වැඩක් නෑලු. එයා වෘත්තීය රංගන ශිල්පිනියක් හින්දා එයාට කරන්න පුළුවන් සීමාවේ තියෙන එයාට ලැබෙන ඕනෑම චරිතයක් එයා කරනවාලු.එයාට ලැබෙන චරිතය මොකක් වුණත් ඉතින් එයා ඒ චරිතයට නම් සාධාරණයක් ඉෂ්ට කරනවාලු.

කොහොමහරි ඉතින් අංජුලා මැරි කරානෙ. ගොඩක් අය කියන්න ගත්තේ ඊට පස්සේ අංජුලා වෙනස් වෙලා කියලා. ඕනම දෙයක් පේන්නේ ඇතුළතින් ඉන්න අයට වඩා ඉතින් පිටින් ඉන්න අයටනෙ. වෙනස් වෙලා කිව්වට ඒකෙත් එක එක අර්ථ තියෙනවනේ. කොහොම වුනත් අන්ජුලා කියලා තියෙන්නේ ඒ ගැන මෙන්න මේ විදියටලු. marry කරා කියලා කියන්නේ එන්න එන්නම තම තමන්ගේ වගකීම් වැඩිවෙන එකටලු. ඉස්සර වගේ ඉතින් සැහැල්ලුවෙන් විනෝදෙන් ඉන්න බෑලු. පුංචි වෙනස්කමක් උනත් බාහිර සමාජයට හොඳට ඒක පේනවලු. ඉස්සර නම් ඉතින් ගෙදරදි අම්මා කෑම ටික වුණත් හදල දුන්නාට දැන් නං ඉතිං එහෙම බෑලු වගකීම් වැඩියිලු. තම තමන්ගේ දේවල් තමන්ම කරගන්න ඕනලු. ඉතින් එන්න එන්නම ඒ වගේ දේවල් වෙනකොට හිතාමතාම නොවුනත් ඉබේම ඒ වගේ වෙනස් වෙන්න තැන්පත් වෙන්න වෙනවා කියලා තමයිලු අංජුලා කියන්නේ.